Paravaledhu Paravaledhu Song Lyrics Manasara(2010)

పరవాలేదు పరవాలేదు
చూడచక్కగున్నా లేకున్నా ఏం పరవాలేదు
నువ్వెలా ఉన్నా పర్లేదు
పరవాలేదు పరవాలేదు
ఊరు పేరు ఉన్నా లేకున్నా ఏం పరవాలేదు
నువ్వు ఎవరైనా పర్లేదు
ఓ.. నీకు నాకు స్నేహం లేదు నువ్వంటే కోపం లేదు
ఎందుకీ దాగుడుమూతలు అర్దమే లేదు
మంచేదో ఉన్నాదని మబ్బుల్లో జాబిల్లి దాగుండిపోదు
పరవాలేదు పరవాలేదు
చూడచక్కగున్నా లేకున్నా ఏం పరవాలేదు
నువ్వెలా ఉన్నా పర్లేదు

ఉంగరాల జుట్టే లేదా నాకు పర్లేదు
రంగు కాస్త తక్కువ అయినా మరి పర్లేదు
మసిలాగా ఉంటుందని తిడతామా రాతిరిని
తనలోనే కనలేమా మెరిసేటి సొగసులని
అందంగా లేను అని నిన్నెవరూ చూడరని
నువ్వెవరికీ నచ్చవని నీకెవ్వరు చెప్పారు
ఎంత మంచి మనసో నీది దాని కన్నా గొప్పది లేదు
అందగాళ్ళు నాకెవ్వరు ఇంత నచ్చలేదు
నల్లగా ఉన్నానని కోకిల కొమ్మల్లో దాగుండిపోదు

పరవాలేదు పరవాలేదు
చూడచక్కగున్నా లేకున్నా ఏం పరవాలేదు
నువ్వెలా ఉన్నా పర్లేదు

అంతలేసి కళ్ళుండకున్నా నాకు పర్లేదు
కోరమీసం లేకున్నా గాని మరీ పర్లేదు
పరదాలే ఎన్నాళ్ళిలా అని నిన్నే అడగమని
సరదాగా తరిమింది మది నీపై మనసుపడి
మురిపించే ఊహలతో ముఖచిత్రం గీసుకొని
అది నువ్వో కాదో అని సందేహం ప్రతీసారి
చేరదీసి లాలించలేదు నన్నిలా ప్రేమించలేదు
అందుకే ఇంకెవ్వరు ఇంత నచ్చలేదు
ఎవరేమన్నా సరే నా చెయ్యి నిన్నింక వదిలేదు లేదు

పరవాలేదు పరవాలేదు
చూడచక్కగున్నా లేకున్నా ఏం పరవాలేదు
నువ్వెలా ఉన్నా పర్లేదు
పరవాలేదు పరవాలేదు
ఊరు పేరు ఉన్నా లేకున్నా ఏం పరవాలేదు
నువ్వు ఎవరైనా పర్లేదు

Movie   :  Manasara

Lyrics   :  Bhaskara Bhatla, Anantha Sriram

Music   :  Shekar Chandra

Singer  :  Geetha Madhuri