Amma Amma Song Lyrics Raghuvaran Btech(2015)

అమ్మా అమ్మా నీ పసివాణ్ణమ్మా
నువ్వే లేక పసివాడానమ్మా
మాటే లేకుండా నువ్వే మాయం
కన్నీరౌతోంది ఎదలో గాయం
అయ్యో వెళిపోయావే
నన్నొదిలేసి ఎటుపోయావే
అమ్మా ఇకపై నే వినగలనా నీ లాలిపాట
నా జాలి జోలకు నువు కన్నెత్తి చూసావో అంతే చాలంటా

చెరిగింది దీపం కరిగింది రూపం
అమ్మా నాపై ఏమంత కోపం
కొండంత శోకం నేనున్న లోకం
నన్నే చూస్తూ నవ్వింది శూన్యం
నాకే ఎందుకు శాపం
జన్మల గతమే చేసిన పాపం
పగలే దిగులైన నడిరేయి ముసిరింది
కలవరపెడుతోందే పెను చీకటి
ఊపిరి నన్నొదిలి నీలా వెళిపోయింది
బ్రతికి సుఖమేమిటి

విడలేక నిన్ను విడపోయి ఉన్నా
కలిసే లేనా నీ శ్వాసలోన
మరణాన్ని మరచి జీవించి ఉన్నా
ఏచోట ఉన్నా నీ థ్యాసలోన
నిజమైనే లేకున్నా
కన్నా నిన్నే కలగంటున్నా
కాలం కలకాలం ఒకలాగే నడిచేనా
కలతను రానీకు కన్నంచున
కసిరే శిశిరాన్ని వెలివేసి త్వరలోన
చిగురై నిను చేరనా
అమ్మా అమ్మా నీ పసివాణ్ణమ్మా
నువ్వే లేక పసి వాడానమ్మా
అడుగై నీతోనే నడిచొస్తున్నా
అద్దంలో నువ్వై కనిపిస్తున్నా
అమ్మా ఎటుపోయావే
నీలో ప్రాణం నా చిరునవ్వే
అమ్మా ఇకపై నే వినగలనా నీ లాలిపాట
వెన్నంటే చిరుగాలై జన్మంతా జోలాలి వినిపిస్తూ ఉంటా...

Movie   :  Raghuvaran Btech

Lyrics   :  Ramajogayya Sastry

Music   :  Anirudh Ravichander

Singers:  Deepu, S.Janaki